မြသလွန်စေတီတော်မြတ်ကြီး
“မကွေးမြို့စွန် မြသလွန်ကို အတူဖူးခဲ့တာတွေ မေ့မရနိုင်ပါပေ အခွင့်ရယ်သာတဲ့ တစ်နေ့မှာ အရောက်တော့ လာခဲ့ဦးမယ် ရွှေညာသူရေ ကိုယ်လာရင် ကြိုမှာလားလို့ အတည်” အဆိုတော် အောင်သူရဲ့ သီချင်းလေးကို ကြားလိုက်ရတော့ မကွေးမြို့ မြသလွန် စေတီနဲ့ ဘုရားပွဲတော် ကိုသတိရမိပါတယ်။ မြသလွန် ဘုရားပွဲတော်ကို နှစ်စဉ် နှစ်တိုင်း သီတင်းကျွတ် လဆန်း(၁၀) ရက်နေ့မှာ စတင်ဖွင့်လှစ်ပါတယ်။ လဆန်း(၁) ရက် နေ့ကတည်းက ဆိုင်များ ရောက်ရှိနေကြပါတယ်။ တချို့ဆိုင်တွေက တော်တော် စောစော လာဖွင့်ကြပါတယ်။ ဖွင့်ပွဲ မလုပ်ခင်ကတည်းက ပွဲတော်က စည်ကားနေပါတယ်။ ပွဲတော်ဆိုင်ခန်းများကို ၀ါခေါင်၊ တော်သလင်း ကတည်းက ဆောက်လုပ်ရပါတယ်။
မြသလွန်စေတီတော်ကို မြတ်စွာဘုရားကိုယ်တော်တိုင် သီတင်းသုံးတော်မူခဲ့သော မြသား (အစစ်) သလွန်တော်ကို ဌာပနာ ၍ တည်ထားပါတယ်။ ထို့ကြောင့် မြတ်စွာဘုရားရဲ့ အငွေ့အသက်များရှိနေပြီး တန်ခိုးတော် ထက်မြက်လှပါပေသည်။
သီတင်းကျွတ်လပြည့်နေ့ ညတွင် မြသလွန် ဘုရား၌ ဆီမီးတစ်ထောင်(၁၀၀၀) ပူဇော်ထွန်းညှိ ပါတယ်။ ဖယောင်းတိုင်များ မဟုတ်ပဲ ဆီအစစ် များကို အသုံးပြု ထားပါတယ်။ ဆီမီးတစ်ထောင် (၁၀၀၀) ဆိုပေမယ့် တကယ်တန်း ထွန်းညှိသော အခါ ဆီမီးတစ်သောင်း (၁၀၀၀၀)လောက် ထွန်းပါတယ်။ ဧရာဝတီမြစ်ထဲကိုလည်း ဆီမီးခွက်လေးများကို မျှောကြပါတယ်။ ဆီမီးတစ်သောင်း(၁၀၀၀၀) ထွန်းထားသော မြသလွန်ဘုရားကို ဧရာဝတီမြစ်ကမ်းဘက်က ကြည့်ရှု၊ ဖူးမျှော်ရသော မြင်ကွင်း အရသာသည် ဘယ်အရာနှင့်မှ မတူသော မျက်စိ ပသာရနှင့် ပျော်ရွှင်ကြည်နူးဖွယ် ကောင်းလှပါတယ်။ လပြည့်ကျော်(၁) ရက်နေ့တွင် မြသလွန်ဘုရား စောင်းတန်း တွင် ဆွမ်းဆန်စိမ်း လောင်းလှူပွဲ ကျင်းပပါတယ်။ အလွန်စည်ကားလှပါတယ်။ ဘုရားပွဲတော်ပိတ်ရက်ကို ဘယ်ရက်ရယ်လို့ သတ်သတ်မှတ်မှတ် မရှိပါ။ ဘုရားဖူးများ၊ ပွဲတော်လာကြသူများပေါ် မူတည်၍ ဈေးဆိုင်များ ဖွင့်လှစ်ရောင်းချ နေကြပါတယ်။ သီတင်းကျွတ်လကုန်ပိုင်း လောက်ထိ ပွဲတော်ကျင်းပပါတယ်။
မကွေးမြို့ကိုသွားရင် မြသလွန်စေတီတော်ကို ရောက်မှ မကွေးကို ရောက်တယ်လို့ ဆိုရမှာ ဖြစ်ပါတယ်။ အခုဆိုရင် ဘုရားပွဲတော်က စတင်နေပါပြီ။ မကွေးမြို့ကို သွားဖြစ်ကြရင် မြသလွန်စေတီတော်ကို ဖူးရင်း၊ ဘုရားပွဲတော် အလည်သွားကြဖို့ နိဗ္ဗာန်ကျိုးမျှော်၍ တိုက်တွန်း လိုက်ပါရစေ။
Read
More...(ဆက်လက်ဖတ်ရန်)
Summary
only...(အနှစ်ချုပ်သို့)
ပူတဲ့အစားစာတွေကို ကြွပ်ကြွပ်အိပ် နဲ့ထည့်မယ်ဆိုရင် အဖြူရောင်အိပ် နဲ့ပဲထည့်သင့်ပါတယ်။
ပူတဲ့အစားစာတွေိကို အဖြူ ရောင်ကြွပ်ကြွပ်အိပ်နဲ့ မထည့်ဘဲ အရောင်ပါတဲ့ ကြွပ်ကြွပ်အိပ်နဲ့ထည့်ရင် လက်တမင် ဓာတုပစ္စည်းတွေ ထွက်လာပြီး ယင်းပစ္စည်းတွေက ကင်ဆာ ဖြစ်စေနိုင်ပါသတဲ့။ ဒါကြောင့် ပူတဲ့အစားစာတွေဆိုရင် အဖြူရောင် ကြွပ်ကြွပ်အိပ်နဲ့ပဲထည့်ပါ။ အေးတဲ့ အစားစာတွေကိုတော့ အရောင်ပါတဲ့ ကြွပ်ကြွပ်အိပ်နဲ့ထည့်နိုင်ပါတယ်။
Read
More...(ဆက်လက်ဖတ်ရန်)
Summary
only...(အနှစ်ချုပ်သို့)
ပူလောင်ခြင်းမီးတွေ
များပြားတဲ့လောကကြီး
လောဘမီး၊ ဒေါသမီး
သောကမီး၊ မောဟမီး
ဒုက္ခပင်လယ်မီးတွေ
ဘယ်လိုရင်ဆိုင်ရမလဲ - - -
ဘ၀အခက်ခဲတွေ
များပြားတဲ့လောကကြီး
နေမှု၊ ထိုင်မှု
စားမှု၊ သောက်မှု
အ၀တ်တန်ဆာဆင်ယဉ်မှုတွေ
ဘယ်လိုရင်ဆိုင်ရမလဲ - - -
အတိုက်အခိုက်တွေ
များပြားတဲ့လောကကြီး
တစ်ဦးက တစ်ဦးကိုမနာလို
ကြီးသူက ငယ်သူကိုအနိုင်ကျင့်
တစ်ဖွဲ့ကတစ်ဖွဲ့ကိုအကြမ်းဖက်
ငြိမ်းချမ်းသာယာတဲ့ဘ၀ကို
ဘယ်လိုရယူမလဲ - - -
ပူလောင်ခြင်းမီးတွေ
ဘ၀အခက်ခဲတွေ
အတိုက်အခိုက်တွေ
ဘယ်လောက်များများ
မေတ္တာနဲ့လွှမ်းခြုံ
ဂရုဏာနဲ့ပြုစု
အကြင်နာနဲ့ကာကွယ်
ရှေ့ကရပ်တည်ပေးသူက
အစားထိုးမရတဲ့
အနန္တကျေးဇူးရှင်အမေပါပဲ - - -
Read
More...(ဆက်လက်ဖတ်ရန်)
Summary
only...(အနှစ်ချုပ်သို့)
မြန်မာစကားအသုံးအနှုန်းတွင် ဂဃနဏ သိအောင် စိစစ်ခြင်း၊ လေးလုံးကွဲအောင် ပြောဆိုခြင်း စသည်တို့ကို မကြာခဏ ကြားရတတ်ပါသည်။ လေးလုံးကွဲ ဆိုသည်မှာလည်း အခြားမဟုတ်၊ ဤအက္ခရာလေးလုံး၏ တစ်လုံးချင်း အနေအထားနှင့် အသံထွက်ပုံကို ခြားခြားနားနား ဖြစ်စေရန် ရည်ညွှန်းခြင်းသာ ဖြစ်သည်။ ကွဲပြားခြားနားမှုရှိရန် လိုအပ်သည်ဆိုလျှင် ရောနှော ရှုပ်ထွေးမှု တစ်ခုခု မုချရှိနေသည်မှာ သေချာပေသည်။
ရှေးဦးစွာ ဤအက္ခရာ လေးလုံးကို လေ့လာကြည့်သည့် အခါ ဃကြီးနှင့် ဏကြီး တို့ကို ပါဠိစာပေနှင့် ပါဠိသက် မြန်မာဝေါဟာရ၌သာ တွေ့ရတတ်ပါသည်။ ဂငယ်နှင့် နငယ် တို့ကိုမူ ပါဠိစာပေ၊ မြန်မာစာပေတို့၌ နေရာမရွေး တွေ့နိုင်ကြောင်း သိလာရ၏။ ထို့ကြောင့် အတွေ့အထိနည်းပါးသော ဃကြီးကို အတွေ့အထိများသော ဂငယ်နှင့် အသံတူထား၍လည်းကောင်း၊ အလားတူပင် ဏကြီးနှင့် နငယ်ကိုလည်း အသံတူထား၍လည်းကောင်း ပြောဆိုနေကြရာမှ အသံထွက်ပုံ ရောနှောသွားရခြင်းးဖြစ်ပေသည်။ ဤသို့ဆိုလျှင် မည်သို့ခွဲခြားမည်နည်း။
ဂငယ်နှင့် ဃကြီးတို့သည် မြန်မာ သဒ္ဒါ စည်းကမ်းအရ လည်ချောင်းတွင် အသံတည်ရသော ကဏ္ဌဇဗျည်း ( Guttural consonant ) များဖြစ်ကြပါသည်။ ဂငယ်သည် အသံ လျော့လျော့ထားပြီး ရွတ်ဆိုရသော သိထိလဗျည်း ( simple consonant ) ဖြစ်သဖြင့် ‘ဂ’ ဟု အသံထွက်လိုက်လျှင် ပြည့်စုံပြီးဖြစ်၏။ ဃကြီးသည် ‘ဂ’ အသံထွက်ပြီး အခြားမရှိ ‘အ’ သံကိုပါ တစ်ဆက်တည်းထည့်၍ လေးလေးပင်ပင်ရွတ်ဆိုရသော ဓနိတဗျည်း (Aspirated consonant) ဖြစ်၏။ ဃကြီး၏ အသံထွက်ပုံ အတိအကျ သိလိုလျှင် ရဟန်းတော်များ ကမ္မ၀ါစာ ရွတ်သည့် အခါ သွားရောင်နာကြားသင့်ပါသည်။ ဏကြီးသည် လျှာထိပ်ဖြင့် အသံတည်ရသော ဗုဒ္ဓဇ ဗျည်းအက္ခရာ (lingual consonant) ဖြစ်၏။ ရွတ်ဖတ်သည့်အခါ ပေါ်ရှေ့သွားအတွင်းပိုင်းကို လျှာထိပ်ဖြင့် ထိပြီး ‘ဏ’ ဟု အသံထွက်ရ၏။ နငယ်သည် သွားတွင် အသံတည်ရသော ဒန္တဇဗျည်း (Dental consonant) ဖြစ်၏။ ရွတ်ဖတ်သည့် အခါ အပေါ်အောက်သွား နှစ်တန်းကို ထိထားပြီး ‘န’ ဟု အသံထွက်ကာ သွားတန်းကို အနည်းငယ် ချဲပေးရပါသည်။ ဘုန်းတော်ကြီးကျောင်းတွင် ပညာသင်ကြားရာ၌ ဤ အက္ခရာလေးလုံးတို့၏ အသံတည်ရာအရပ်နှင့် အသံထွက်ပုံအနေအထားကို စနစ်တကျ လေ့ကျင့်ပေးလေ့ရှိသည်။ သေချာစွာ သိရှိသွားလျှင် ဂဃနဏ သိပြိဟု အဆိုရှိ၍ တစ်လုံးချင်း အသံမှန်ထွက် ဆိုနိုင်လျှင် သင်ပုန်းကြီး အက္ခရာတို့ကို ကျေကျေလည်လည် သိပြီဟု ပြောစမှတ်ပြုကြသည်။
စင်စစ်အားဖြင့် ပါဠိသက္ကတကို အခြေခံ၍ ခိုင်ခံ့စွာ တည်ဆောက်ထားသော မြန်မာစာပေ၏ သဒ္ဒါနှင့် ရေးထုံးတို့မှာ အလွန်စနစ်ကျပါသည်။ အဆင့်အတန်းရှိသော ဘာသာ စာပေတစ်ရပ်ကို မွေးရာပါ အမွေအဖြစ် လက်ခံရရှိထားသော မြန်မာများအဖို့ မိမိတို့၏ စာပေကို အမြတ်တနိုး အလေးထား၍ လေ့လာထိန်းသိမ်းကြရန်မှာ နိုင်ငံသားတိုင်း၏ တာဝန်သာ ဖြစ်ပါတော့သည်။ မောင်ရေစင် ( မြန်မာတိုင်း ဂျာနယ်)
Read
More...(ဆက်လက်ဖတ်ရန်)
Summary
only...(အနှစ်ချုပ်သို့)
i?
ငါက မင်းရဲ့ ထာဝရခရီးဖော်။ မင့်ရဲ့အကြီးမြတ်ဆုံးကူညီရှင်
(သို့တည်း မဟုတ်) အလေးပင်ဆုံးဝန်ထုပ်ကြီး။
မင်းကို အပေါ်တွန်းတင်တာငါ။ အောက်ဆွဲ ချတာလဲ ငါပဲ။
မင့်အမိန့်အတိုင်း မဆိုင်းပြီးပြတ် ဆောင်ရွက်တတ်တဲ့ ငါပါ။
ငါ့ကို ကိုင်တွယ်ဖို့ သိပ်လွယ်။ မြဲမြဲဆုပ်ထားလိုက်ရုံရယ်။
မင်း ဘယ်လို လုပ်ချင်တယ်ဆိုတာသာ အတိအကျပြ။
ငါက နည်းနည်းစမ်းကြည့်ပြီးအလိုအလျောက်လုပ်သွားမှာပါ။
ကြီးကျယ်သူအားလုံး၊ ကျဆုံးသူအားလုံးရဲ့
လက်သုံးအမှုတော်ထမ်းဖြစ်တဲ့ငါ။
တချို့ထွန်းကားသွားကြတာ- အဲဒါငါ့ လက်ရာ။
တချို့မြောင်းထဲကျ ဘ၀ပျက်- အဲဒါလဲ ငါ့လက်ချက်။
လူ့အသိဥာဏ်နဲ့“စက်”ဆန်တဲ့သဘာဝပေါင်းစပ်အလုပ်လုပ်ရပေမယ့်
ငါက ယန္တရားမဟုတ်ဘူး။
အကျိုးထွက်သူ မြူးချင်မြူး၊ အကျိုးပျက်သူ ရူးချင်ရူး
ငါ့အတွက်တော့ ပဇာမျှမထူး။
ဆောင်ယူပါ ငါ့ကို။ လေ့ကျင့်ပါ ငါ့ကို။ မြဲမြံပါ ငါ့ကို။
ကမ္ဘာလောကကို မင့်ခြေအောက် အရောက်ငါ လာထားမှာမလွဲ။
မေ့လျော့ပေါ့ဆနေရင်တော့
မင့်ကို ငါဖျက်ဆီးပစ်မှာပဲ။
ငါဘယ်သူလဲ
Read
More...(ဆက်လက်ဖတ်ရန်)
Summary
only...(အနှစ်ချုပ်သို့)
.png){kind=small}
