ကဗျာ (၁၂)

ဆောင်း

ဒီကဗျာလေးက လေးလုံးစပ် လေးသုံးကာရန်လေးပါ။ မမီ(မမယ်လိုဒီရဲ့ ငြိမ်းချမ်းသံစဉ် )ရဲ့ ဘလော့မှာ မမီရေးထားတဲ့ ရိုးရိုးလေးတွေးမိ ကဗျာလေးကို တွေ့ ပြီးရေးဖြစ်သွားတာပါ။

Read More...(ဆက်လက်ဖတ်ရန်)

Summary only...(အနှစ်ချုပ်သို့)

ဖတ်မိသမျှ(၁၀)

ငယ်ရွယ်သူတွေဟာ နုပျိုတဲ့အချိန်တွေကို ဖျက်ဆီးခဲ့ကြတာပါပဲ

နေမင်းကြီးက ကိုယ့်ရဲ့ ဘ၀ ပထမဆုံးနေ့ကို ခေါ်ဆောင်လာခဲ့တယ်
ညရောက်တော့ လမင်းကြီးက ကိုယ့်ကို ဖမ်းညှို့ထားတယ်။
လေတွေတိုက်နေတဲ့ကြားမှာ မိုးရေစက်တို့ရဲ့ လွှမ်းခြုံခြင်းနဲ့
ကိုယ့်ဘ၀ကို စခဲ့ရတယ်။
လမ်းတွေက ကိုယ့်ကို နေရာပေါင်းများစွာ ပို့ခဲ့တယ်။
နှစ်တွေက ဘယ်နေရာရောက်ရောက် တားဆီးထားကြပြန်တယ်။
သိပ်စိတ်ကူးယဉ်တတ်တဲ့ အရွယ်ဆိုတော့လည်း
ဖြစ်ခြင်တာကို ရအောင်လုပ်မယ် ဆိုပြီး
ခရီးတွေ ကျော်ဖြတ်ခဲ့တယ်….။

ခေတ်ကာလတစ်ခုရဲ့ အချိန်တစ်ခုက ကိုယ့်ကို
နေရာပေးလိုက်တယ်။
အောင်မြင်မှုဆိုတာကလည်း ကိုယ့်ကို လာပြီး
ခဏခြယ်မှုန်းပေးတယ်။
အဖြစ်အပျက်တွေ၊ အဆိုးအကောင်းတွေကလည်း
ကိုယ့်နားမှာ စောင့်ကြည့်နေကြတယ်။
သိပ်တက်ကြွနေတဲ့ အရွယ်ဆိုတော့လည်း
ကိုယ့်စိတ်ထက် ပိုပြီး
အရာရာကို ဂရုမစိုက်ဘဲ ရှေ့ဆက်ခဲ့တယ်။
ပျော်စရာတွေ အများကြီး ရသလို
စိတ်ညစ်စရာတွေလည်း အသေအချာ
ထိတွေ့လာတယ်။
စိတ်တိုင်းမကျမှုတွေ စုပြီးတော့
ကိုယ့်စိတ်ဓါတ်ကိုလည်း ဖျက်ဆီးတတ်လာတယ်။
တစ်ခါတလေလည်း ငယ်ငယ်တုန်းက
အချိန်တွေကို ပြန်မြင်နေမိတယ်။
ပြန်မရနိုင်တော့မယ့် အဖော်ဆိုတာကိုလည်း
သတိရနေမိတယ်။
အရွယ်တွေ ဆုံးရှုံးသွားတယ်ဆိုပေမယ့်
အရင်လို အင်အားတွေ လိုချင်နေမိတယ်…။
တဖြည်းဖြည်းနဲ့ နံနက်တွေမှာ
နေမင်းကြီး ထွက်မယ့်အချိန်ကို စောင့်တတ်လာတယ်။
ညဆိုလည်း လမင်းကြီး ဖမ်းညှို့နိုင်ဖို့
ကိုယ်ကြိုးစားတော့တယ်။
လေတွေ တိုက်နေတဲ့ ညနေခင်းတွေကို
ထိုင်ပြီးတော့ ပြန်ခံစားတတ်လာတယ်။
အဲဒီအချိန်မှာပဲ ကိုယ်တစ်ခု သေချာစွာ
သိလိုက်ရတယ်။
ကိုယ့်ဘ၀မှာ ဘယ်အရာတွေ ဘယ်လိုပဲ ဆုံးရှုံး ဆုံးရှုံး
အရင်က ပြောခဲ့တဲ့စကားတွေ၊
ကိုယ်ရေးခဲ့တဲ့ စာသားတွေ၊
ငယ်ငယ်ကတည်းက ဖြူစင်စွာ ရူးသွပ်ခဲ့တဲ့
သီချင်းတွေဟာ ကိုယ့်အနားမှာ
ပြုံးပြုံးပြုံးပြုံးနဲ့ အမြဲရှိနေတုန်းပဲ…
ကိုယ့်ကို အင်အားတွေ ပေးနေတုန်းပဲ….
အကြိမ်ကြိမ် ကယ်တင်နေတုန်းပဲ၊ ဆိုတာ…

ဒီလိုပါပဲ….ငယ်ရွယ်သူတွေဟာ နုပျိုတဲ့အချိန်တွေကို
ဖျက်ဆီးခဲ့ကြတာပါပဲ။

မှတ်ချက် ။ ။ မျိုးကျော့မြိုင် ရေးထားခြင်းဖြစ်ပါတယ်။
6.01.2004
By Thayahpu , February 2004

Read More...(ဆက်လက်ဖတ်ရန်)

Summary only...(အနှစ်ချုပ်သို့)

ကံကောင်းသော ကံမကောင်းသောနေ့

မော်တော်ကားမောင်းသူ တစ်ဦးသည် မီးပွိုင့်တွင် မီးနီပြထားသဖြင့် ယာဉ်ကို ရပ်ထားရပါသည်။ သူ၏နောက်တွင် ယာဉ်ထိန်းရဲက လိုက်လာပါသည်။ ယာဉ်ထိန်းရဲ စီးလာသော ယာဉ်၏ မီးနီမှာ တောက်ပနေပြီး အချက်ပေးသြဥသံလည်း ပေးလာပါသည်။
ယာဉ်ထိန်းရဲက မီးပွိုင့်တွင် ရပ်ထားသော မော်တော်ယာဉ်အား စစ်ဆေးမေးမြန်းပါသည်။ ယာဉ်မောင်းသူမှာ ယာဉ်မောင်းလိုင်စင် ပါမလာသည်ကို တွေ့ရပါသည်။ ထို သူ၏ ယာဉ်ထဲတွင် ယာဉ်မှတ်ပုံတင်ထားသော စာအုပ်ပင် ပါမလာပါ။
“ကျွန်တော် ခန့်မှန်းလို့ ရပါတယ်” ဟု ယာဉ်ထိန်းရဲ အရာရှိက ဟန်ပါပါပြောပြီး ဒဏ်ကြေးဖြတ်ရန် လက်မှတ်စာအုပ်ကို နှိုက်လိုက်ပါသည်။ သူလည်း မေ့ပြီး စာအုပ်မယူခဲ့မိပေ။ ထိုအခြေအနေမျိုးတွင် မော်တော်ယာဉ်မောင်း သူအား လေးလေးနက်နက် သတိပေးပြီး ဆက်လက်မောင်းခွင့်ပေးရုံမှ လွဲ၍ ဘာမှ မလုပ်နိုင်ပါ။ (Quote)
မှတ်ချက်။ ။ ဒေါက်တာသိန်းလွင်ရဲ့ အတွေးစာစုများ

Read More...(ဆက်လက်ဖတ်ရန်)

Summary only...(အနှစ်ချုပ်သို့)

သူလည်းမှန် ကိုယ်လည်းမှန်

လူနှစ်ဦး ခိုက်ရန်ဖြစ်သည့်ကိစ္စ ဖြေရှင်းပေးရန် ဘုန်းကြီးတစ်ပါးထံ ရောက်လာကြပါသည်။ ပထမလူက သူ့ဘက်က သူ့အမြင်ကို ပြောပြပါသည်။ ဘုန်းကြီးက ခေါင်းညိတ်ရင်း “ခင်ဗျား မှန်တယ်” ဟု ပြောပါသည်။
အခြားလူကလည်း သူ့ဘက်က သူ့အမြင်ကို တင်ပြပြန်ပါသည်။ ဘုန်းကြီးက တစ်ဖန် ခေါင်းညိတ်ပြရင်း “ခင်ဗျားမှန်တယ်” ဟုပြောပါသည်။
ပထမလူက မကျေမနပ်ဖြင့် “ဘုန်းကြီး-ကျွန်တော်တို့ နှစ်ယောက်လုံး မှန်တယ်ဆိုတာ မဖြစ်နိုင်ဘူး” ဟုပြောလိုက်ပါသည်။
ဘုန်းကြီး၏ မျက်လုံးများသည် ထိုသူ၏ စကားကို သဘောကျသဖြင့် အရောက်များပင် တောက်ပလာပါသည်။ ထို့နောက် ပြုံးပြုံးကြီးလုပ်ပြီး “ ခင်ဗျားလည်း မှန်တယ်ဆိုတာ ခင်ဗျားသိပါတယ်” ဟုပြောလိုက်ပါသည်။

Read More...(ဆက်လက်ဖတ်ရန်)

Summary only...(အနှစ်ချုပ်သို့)

ကြာနီကန်မြောက်ကျောင်း

သက္ကရာဇ် ၁၂၉၄ ခုနှစ် တခူးလပြည်ကျော် (၁၅) ရက် ဗုဒ္ဓဟူး နေ့တွင် လှူဒါန်းပူဇော်ထားသော ကြာနီကန်မြောက်ကျောင်းရှိ အုတ်ကျောင်း

နှစ်ပေါင်း ၇၅ နှစ်ကျော်ရှိပြီဖြစ်သော အုတ်ကျောင်း

သက္ကရာဇ် ၁၃၃၄ ခုနှစ်က ထွင်းလုပ်ထားသော အုန်းမောင်း(တုန်း)

၃၅ နှစ် ကြာနေပြီဖြစ်သော အုန်းမောင်း

ထိုမောင်းကို နေ့တိုင်း မနက်လေးနာရီ တကြိမ်၊ နေ့လည် (၁၂) နာရီ တကြိမ် တနေ့ နှစ်ကြိမ် ခေါက်ပါသည်။ ယခုထိလည်း ဒီအုန်းမောင်းကိုသာ ခေါက်ပါသည်။

Read More...(ဆက်လက်ဖတ်ရန်)

Summary only...(အနှစ်ချုပ်သို့)

ဒီနေ့ တစ်နေ့လုံး မှန်တာကိုသာ ပြောပါ။

သင့်ကိုသင်ဟာ အမှန်ကိုသာ ပြောတတ်သူလားလို့ မေးခဲ့ရင် “ ဟုတ်ပါတယ်” လို့ဖြေဖို့များတယ် မဟုတ်ပါလား။ ဒါပေမယ့် ထပ်ပြီး စဉ်းစားလိုက်ပါဦး။
ဒီနေ့ကိုပဲ စဉ်းစားလိုက်ပါ။ တစ်နေ့လုံး လုံးဝ အမှန်တွေကို ချည်းပြောခဲ့ပါသလား။
မိတ်ဆွေတစ်ယောက်က အဆင်ပြေရဲ့လား လို့မေး လာတဲ့အခါ တကယ်ပဲ ကောင်းမွန်နေတဲ့ အတွက် Fine လို့ပြောခဲ့တာလား။
ဒေါသတော့ထွက်သွားတယ်၊ ဒါပေမယ့် ထုတ်ဖေါ် မပြခဲ့တာမျိုးကို ဖြစ်ဘူးတယ်မဟုတ်လား။
ဒီနေ့ တစ်နေ့လုံး မှန်တာကိုသာ ပြောလိုက်ပါ။
တစ်စုံတစ်ယောက်ကို အမှန်အတိုင်းပြောလိုက်လို့ သူ့ကို သိပ် စိတ်ထိခိုက်သွားမယ်ဆိုရင် ( မင်း ဆံပင်ပုံစံကြီးက မုန်းစရာကောင်းလိုက်တာ ) မပြောဘဲ ထိန်းချုပ်လိုက်ပါ။
မိမိ ကိုယ်ကို မှန်တာကို ပြောကြည့်ပါ။ အဲဒီအခါမှာ ပြောသင့်တဲ့ မှန်ကန်တဲ့စကားတွေကို ပြောဖို့သိရှိလာ နိုင်ပါတယ်။
မှန်တဲ့ စကားတွေကို ပြောကြည့်လိုက်ပါ။
ကိုးကား။ ။ ခင်စောတင့် (သင့်ဘဝကို ပြောင်းလဲပစ်နိုင်မယ့် နည်းလမ်းများ)

Read More...(ဆက်လက်ဖတ်ရန်)

Summary only...(အနှစ်ချုပ်သို့)