March 30, 2008

ကျွန်တော့် အဖြစ်အပျက်များ

အိပ်စက်ခြင်းနှင့်ဆိုင်သော (၃)
သို့မဟုတ်
ကျွန်တော့်အဖြစ်အပျက်များ

တင်ပြီးခဲ့သော အိပ်စက်ခြင်းနှင့်ဆိုင်သော အကြောင်းအရာများ ရေးသားဖြစ်ခြင်းမှာ အခု တင်ပြမည်ဖြစ်သော အကြောင်းအရာကို ရေးချင်သောကြောင့် ရေးသားဖြစ်ခြင်း ဖြစ်ပါသည်။ အရင်တင်ပြပြီးခဲ့သော အကြောင်းအရာများနှင့် မတူသော အိပ်စက်ခြင်းနှင့် ဆိုင်သော နောက်ထပ် အကြောင်းအရာတစ်ခုကို တင်ပြချင်ပါသေးသည်။ လုံးဝ အိပ်ပျော်သွားခြင်းလည်း မဟုတ်၊ အိပ်ယာနိုးနေသည်လည်း မဟုတ်သောအချိန် ( အိပ်မပျော် တပျော်အချိန်) တွင် ဖြစ်တတ်ပါသည်။

ကိုယ်တိုင်ဖြစ်ခဲ့သော အဖြစ်အပျက်လေးကို တင်ပြပါမည်။ ညဘက် ကောင်းကောင်းမအိပ်ဖြစ်တာ ၃၊ ၄ ရက်ရှိနေပါသည်။ မနက် ၃ နာရီခွဲ ၄ နာရီလောက်မှပဲ အိပ်ဖြစ်နေပါသည်။ အဲဒါကြောင့် အိပ်ရေးပျက်ပြီး အိပ်ချင်နေ၍ မနက် ၁၀ နာရီခွဲ လောက်မှာ အဆောင်ပြန်ပြီး အိပ်လိုက်ပါသည်။ အခန်းထဲမှာ ခုတင် နှစ်လုံး ရှိပေမယ့် လေသာအောင် ပြတင်းပေါက်နဲ့ မလှမ်းမကမ်းမှာ Dream Bed လေးချ၍ အိပ်လိုက်ပါသည်။ အိပ်လို့ပျော်ခါနီးမှာ ဆရာရောက်လာသောကြောင့် အခန်းတံခါး ဖွင့်ပေးရပါသည်။ ဆရာက အ၀တ်လျှော်၊ ရေချိုး လာခြင်းဖြစ်ပါသည်။ ဆရာက အ၀တ်လျှော်၊ ရေချိုး ပြီးရင် ထမင်းစားသွားမယ်လို့ပြောပါသည်။ ဆရာအလုပ်အားလုံးပြီးရင် ကျွန်တော့်ကိုနိုးပါလို့ ကျွန်တော်ကလည်း ပြန်လည်ပြောကြားခဲ့ပါသည်။ ဒါကြောင့် စိတ်ချလက်ချ အိပ်လိုက်ပါသည်။ အိပ်ပျော်နေတုန်းမှာ ဒုန်း ဒုန်း ဆိုတဲ့ မြည်သံကြောင့် နိုးလာခဲ့ပါတယ်။ နိုးတယ်ဆိုပေမယ့် လုံးဝ အိပ်ယာနိုးခြင်းမျိုး မဟုတ်ပါ။ ရေချိုးခန်းထဲမှာလည်း ဆရာ အ၀တ်လျှော်နေတဲ့ အသံကိုကြားနေရပါတယ်။ မြည်သံက ပြတင်းပေါက် ဖွင့်ထားလို့ လေတိုက်ပြီး ပြတင်းပေါက်လှုပ်ရှားလို့ မြည်ခြင်းဖြစ်ပါတယ်။ အဲဒါကြောင့် အိပ်ယာထဲက မထချင်ပဲ ထ၍ ပြတင်းတံခါးကို ပိတ်လိုက်ပါတယ်။ ပြီးတော့ ပြန်လည် အိပ်ခဲ့ပါတယ်။ ပြန်လည်အိပ်လို့ အိပ်ပျော်နေတုန်းမှာပဲ နောက်တခါ ဒုန်း ဒုန်း ဆိုပြီး အသံ မြည်လာပြန်ပါတယ်။ သေချာနားထောင်ကြည့်လိုက်တော့ လေတိုက်၍ ပြတင်းပေါက် လှုပ်ရှားပြီး မြည်တဲ့ အသံဖြစ်ပါတယ်။ အံ့သြ သွားတာက ခုနတုန်းက သေချာပိတ်ထားတဲ့ ပြတင်းပေါက်ကပဲ ပွင့်ပြီး မြည်တဲ့ မြည်သံဖြစ်ပါတယ်။ ပြတင်းပေါက်ကို ဆရာက ပြန်ဖွင့်ထားတာလို့ ထင်မိလိုက်ပါတယ်။ ဒါပေမယ့် ဆရာက ရေချိုးခန်းထဲက ထွက်မလာသေးပါဘူး။ ဒါကြောင့် နောက်တစ်ခါ အိပ်ယာထပြီး ပြတင်းပေါက်ကို သေချာပြန်ပိတ်လိုက်ပါတယ်။ ရေချိုးခန်းနားသွားပြီး ဆရာ အ၀တ်လျှော်၊ ရေချိုးတာ ပြီးတော့မလားလို့ မေးလိုက်တော့ အ၀တ်လျှော်ပြီးပြီ၊ ရေချိုးဖို့ကျန်သေးတယ်လို့ ပြောပြီး အ၀တ်တွေလှန်းရန်ထွက်လာပါတယ်။ ပြတင်းပေါက်ကို ဆရာ ပြန်ဖွင့်လိုက်တာလားလို့ မေးတော့ ဆရာအဖြေစကားကြောင့် အံ့သြသွားရပါတယ်။ ဆရာပြောတာက မဖွင့်ပါဘူး ရေချိုးခန်းထဲကကို မထွက်ရသေးဘူး တဲ့။ အခန်းထဲမှာလည်း ဆရာနဲ့ ကျွန်တော် နှစ်ယောက်တည်းပဲ ရှိနေပါတယ်။ အ၀င် ပေါက် တံခါးမကြီးကိုလည်း ဂျက်ထိုး(ချ)ထားပါတယ်။ ဒါဆို ဘယ်သူပြန်ဖွင့်တာလဲလို့ စဉ်းစားကြည့်မိပါတယ်။ အမှန်တကယ်တော့ ပထမ တစ်ခါ အိပ်ယာထဲနေ ထပြီး ပြတင်း ပေါက်ကို ပိတ်လိုက်တယ်ဆိုတာ တကယ်ထသွားပြီး ပိတ်တာ မဟုတ်ဘူး ဖြစ်နေပါတယ်။ အသံကြားလို့ စိတ်ထဲကနေ ပိတ်ချင်နေတာ ခန္ဓာကိုယ်က ပါမသွားပါဘူး။ ဒါပေမယ့် စိတ်က သွားပြီး ပိတ်လိုက်တယ်။ အဲဒါကြောင့် စိတ်ထဲမှာ တခါးပိတ်ပြီးပြီလို့ ထင်လိုက်မိတာဖြစ်ပါတယ်။ ပြတင်းပေါက်လည်း ပိတ်ချင်၊ အိပ်ယာကလည်း မထချင်၊ အိပ်ပျော်နေတာလည်း မဟုတ်၊ မပျော်ဘူးလည်း မဟုတ်နဲ့ ဖြစ်နေတာပါ။ ဒါကြောင့် ပိတ်ချင်တဲ့ စိတ်က သွားပြီး အိပ်ယာမထချင်တဲ့ ခန္ဓာကိုယ်က ကျန်ခဲ့တာဖြစ်ပါတယ်။ စိတ်ထဲက သွားပြီး ပိတ်လိုက်တယ်ဆိုတော့ တကယ်ပိတ်လိုက်တာ မဟုတ်ဘူးပေ့ါဗျာ။ အဲဒါကြောင့် နောက်တခါ လေတိုက်တော့ ပြတင်းပေါက်က အသံမြည်လာဖြစ်ပါတယ်။ ဒီအဖြစ်အပျက်လေးကို ကြုံတွေ့ခဲ့ရလို့ အိပ်စက်ခြင်းနှင့်ဆိုင်သော အကြောင်းအရာလေးတွေကို စဉ်းစားပြီး ရေးသားမိခြင်းဖြစ်ပါတယ်။ သိလို့၊ တတ်လို့၊ နားလည်လို့ ရေးသားခြင်း မဟုတ်ပါ။ ကျွန်တော့် အဖြစ်အပျက်၊ စိတ်ထဲရှိတာ၊ တွေးမိ ထင်မိတာတွေ ရေးသား ဖေါ်ပြခြင်းဖြစ်ပါတယ်။ မှားတာ၊ လိုအပ်တာ များကို အသိပေး ပြောကြားပေးစေလိုပါတယ်။
အမည်အတိအကျ ဖေါ်ပြ၍ မည်သူကိုမှ Tag မလုပ်ချင်တော့ပါဘူး။ ဒါပေမယ့် အိပ်စက်ခြင်းနှင့်ဆိုင်သော အဖြစ်အပျက်ကလေးတွေ ရှိခဲ့ရင် ရေးသားဖေါ်ပြ ပေးစေလိုပါတယ်။ ရေးသား တင်ပြဖြစ်ခဲ့ရင်လည်း အကြောင်းကြား ပေးပါဦးလို့ တောင်းဆိုပါရစေခင်ဗျာ……

Read More...(ဆက်လက်ဖတ်ရန်)

March 29, 2008

အိပ်စက်ခြင်းနှင့်ဆိုင်သော (၂)

အိပ်စက်ခြင်းနှင့်ဆိုင်သော (၂)

အိပ်နေစဉ် ကယောင်ကတမ်းဖြစ်ခြင်း (ယောင်ခြင်း) မှာ အိပ်နေစဉ် အိပ်နေသူက ခန္ဓာကိုယ်ပြုမူ လှုပ်ရှားမှုဖြစ်ခြင်းနှင့် အသံထွက်၍ ပြောဆိုခြင်း တို့ ဖြစ်ပါသည်။ အိပ်နေသူက အိပ်ယာထ၍ ရေသောက်ပြီး ပြန်အိပ်သွားတတ်ခြင်း၊ အိပ်ယာထ၍ လမ်းလျှောက်ပြီး ပြန်အိပ်သွားခြင်း စသည်ဖြင့် အမျိုးမျိုးဖြစ်ခြင်းမှာ ခန္ဓာကိုယ်ပြုမူလှုပ်ရှား၍ ယောင်ခြင်း ဖြစ်ပါသည်။

အိပ်နေစဉ် ပါးစပ်က စကားတွေပြောနေခြင်း၊ ညည်းတွားနေခြင်း စသည်ဖြင့် အမျိုးမျိုးပြောဆိုခြင်းမှာ အသံထွက်ပြောဆိုပြီး ယောင်ခြင်းသည် အသံထွက်၍ ပြောဆို ယောင်ခြင်းဖြစ်ပါသည်။ စကားပြောဆို အသံထွက်၍ယောင်ခြင်းမှာ ရေ၊ ရေ လို့တောင်းသောအခါ အနားက တစ်ယောက်ယောက်က ရေယူလာပေးသောအခါ ဘာမှ မသိတော့ပဲ ပြန်လည်အိပ်ပျော်သွားခြင်းမျိုး ဖြစ်ပါသည်။ ညည်းတွားမှုဖြစ်ခြင်းမှာ ခန္ဓာကိုယ်က ပင်ပန်းနွမ်းနယ်မှု၊ ကျန်းမာရေး မကောင်းမှု စသည်တို့ကြောင့်ဖြစ်တတ်ပါသည်။ အသံထွက်၍ ယောင်ခြင်း ဖြစ်ပေါ်နေစဉ်မှာ ဘေးလူက အိပ်နေသူ (ယောင်နေသူ) ရဲ့ ခြေမကို ချိုး၍ ယောင်နေသူ၏ အဖြစ်အပျက်များထဲမှ သိချင်သော အကြောင်းအရာများကို မေးလျှင် ပြန်လည်ဖြေကြားသည်ဟု ကြားဖူးပါသည်။ ကိုယ်တိုင် စမ်းသပ်ဖူးခြင်းမရှိပါ။ ကြားဖူးသည်ကို ပြန်လည်တင်ပြခြင်းဖြစ်ပါသည်။
ဘီလူးစီးခြင်း၊ ထမင်းလုံး တစ္ဆေ ခြောက်ခြင်းတို့သည် အိပ်မက်ထဲတွင် ထိတ်လန့်ကြောက်ရွံ့ဖွယ်ရာများကို မြင်မက်တတ်ခြင်း ဖြစ်ပါသည်။ အိမ်ခေါင်တိုင်အောက်တွင် အိပ်ခြင်း၊ ပက်လက်လှန်၍အိပ်ခြင်း၊ အိပ်ပုံအိပ်နည်းမမှန်ခြင်း၊ မအိပ်မှီအချိန်ကာလများတွင် ထမင်းလုံးနင်းမိခြင်း စသည်တို့ကြောင့် ထိုသို့ စိတ်လှုပ်ရှားဖွယ်ရာများကို မြင်မက်တတ်ကြသည်ဟု ပြောဆိုကြပါသည်။

Read More...(ဆက်လက်ဖတ်ရန်)

March 25, 2008

အတွေးအမြင်(၇)

အိပ်စက်ခြင်းနှင့်ဆိုင်သော

သက်ရှိသတ္တ၀ါတိုင်းသည် အိပ်စက်အနားယူခြင်းကို ပြုလုပ်ကြရပါသည်။ အိပ်နေစဉ် အတွင်းမှာ အဖြစ်အပျက် အမျိုးမျိုး၊ ပုံစံမျိုးစုံရှိကြပါသည်။ ထိုအရာ တချို့ကတော့ အိပ်မက်မက်ခြင်း၊ အိပ်နေစဉ် ကယောင်ကတမ်းဖြစ်ခြင်း( ယောင်ခြင်း ) ၊ ဘီလူးစီးခြင်း၊ ထမင်းလုံးတစ္ဆေခြောက်ခြင်း စသည်ဖြင့် ရှိကြပါသည်။

အိပ်မက်မက်ခြင်းသည် အဖြစ်များသော၊ လူတိုင်းဖြစ်ဖူးသော အရာတခုဖြစ်ပါသည်။ အကြောင်းအရာ တခုခုကို စွဲလမ်းလို့ပဲဖြစ်ဖြစ်၊ ဘာမှ မဆိုင်ပဲဖြစ်ဖြစ်၊ နိမိတ်ပြအိပ်မက်မျိုးပဲဖြစ်ဖြစ် စသည်ဖြင့် အမျိုးမျိုးမြင်မက်ကြပါသည်။ အိပ်မက်ကို နိမိတ်ယူပြီး အဓိပ္ပာယ်ကောက်သလို တချို့ကလည်း အိပ်မက်ကိုပြောင်းပြန် အဓိပ္ပာယ်ယူရသည်လို့ ပြောကြပါသည်။
အိပ်မက်မက်ခြင်း အကြောင်းနှင့်ဆက်စပ်၍ စဉ်းစားမိသော အကြောင်းအရာရှိပါသည်။ သဘာဝတရားနှင့်ပဲဆိုင်မလား၊ စိတ်ပညာနဲ့ပဲ ဆိုင်မလားတော့ မသိပါဘူး။ ကြံကြံဖန်ဖန် စဉ်းစားမိခြင်းလည်း ဖြစ်ချင်ဖြစ်ပါမည်။ အိပ်မက်မက်နေစဉ်တွင်းမှာ အိပ်မက်မက်နေသူ ကိုယ်တိုင်က လှုပ်ရှားခြင်းနှင့် ဘေးပတ်ဝန်းကျင်က လှုပ်ရှားမှုနှင့်ကိုက်ညီခြင်း တို့ဖြစ်ကြပါသည်။ ဥပမာ အိပ်မက်မက်သူကိုယ်တိုင်က လှုပ်ရှားခြင်းမှာ အိပ်မက်ထဲ၌ တစ်ခုခုကို ခြေထောက်ဖြင့် ကန်တယ်လို့ မြင်မက်ရင် ကိုယ်ခန္ဓာကလည်း လိုက်၍ကန်တတ်ပါသည်။ အဲဒါကတော့ အိပ်မက်မက်သူရဲ့ စိတ်နဲ့ ခန္ဓာ ဆက်စပ်ပြီး ဖြစ်ခြင်းကြောင့် ဖြစ်မည်လို့ ယူဆရပါသည်။ ဘေးပတ်ဝန်းကျင်က လှုပ်ရှားမှုနှင့်ကိုက်ညီခြင်းမှာ အိပ်မက်ထဲမှာ တစ်ယောက်ယောက်က ရိုက်တယ်လို့မြင်မက်ရင် အပြင်မှာလည်း တစ်ယောက်ယောက်က၊ သို့မဟုတ် တစ်စုံတစ်ခုက လာရောက်ရိုက်ခြင်းမျိုး ကြုံရတတ်ခြင်း ဖြစ်ပါသည်။ အိပ်မက်ထဲမှာ “၀ုန်း” ဆိုတဲ့ အသံကျယ်ကြီးကြားရတယ်လို့ မြင်မက်ရင် အပြင်မှာလည်း အဲဒီလို အသံမျိုး ဖြစ်ပေါ်တာနဲ့ ကြုံရတတ်ပါသည်။ ဘေးပတ်ဝန်းကျင်က လှုပ်ရှားမှုနှင့်ကိုက်ညီခြင်းမှာ အိပ်မက်ကို ပြည့်စုံ ပီပြင်ဖို့ ပတ်ဝန်းကျင်က ဖြည့်ဆည်းပေးသည်လား၊ ဘေးပတ်ဝန်းကျင်ဖြစ်မှာကို အိပ်မက်က ထပ်တူညီအောင် မက်ခြင်းလား ဆိုသည်ကို နားမလည်ပါ၊ ဝေခွဲ၍လည်း မသိပါ။ အုန်းပင်ပေါ်က အုန်းလက်က ဘယ်အချိန်ကျလာမလဲဆိုသည်ကို ဘယ်သူမှ မသိနိုင်ပါ။ ထို့အပြင် အိပ်မက်ထဲမှာလည်း “၀ုန်း” ဆိုတဲ့ အသံဖြစ်ပေါ်လာမည်၊ “မည်” လာမည်ကို ဘယ်သူမှ မသိနိုင်ပါ။ သို့ပေမယ့် အိပ်မက်ထဲက “မည်သံ” နဲ့ အုန်းလက်ကျ၍ ထွက်ပေါ်လာသော “မည်သံ” တို့သည် ထပ်တူညီပြီး ဖြစ်ပေါ်တတ်ပါသည်။ ဘယ်လို သဘောတရားမျိုးနှင့် ဆက်စပ်ပြီး ထပ်တူကျအောင် ဖြစ်တတ်သလဲဆိုတာ မသိပါ။ စိတ်ပညာဆိုင်ရာ အရတော့ ရှိချင် ရှိနိုင်ပါသည်။ သေချာမသိသေးသော၊ သိချင်သော၊ တွေးမိ၊ စဉ်းစားမိသော အကြောင်းအရာလေး သက်သက်မျှသာ ဖြစ်ပါသည်။

Read More...(ဆက်လက်ဖတ်ရန်)

March 22, 2008

ရုပ်စုံကျောင်းလေး

စစ်ကိုင်းတောင်ရိုး အရိယာဝံသချောင်ရှိ ရုပ်စုံကျောင်းလေး

ရုပ်စုံကျောင်းလေးသည် စစ်ကိုင်းတောင်ရိုး တောင်ဆင်းလမ်းဘေးရှိ အရိယာဝံသချောင်တွင် တည်ရှိပါသည်။ ဒီကျောင်းလေးသည် ရှေးအရင်ကတည်းကတိုင် တည်ရှိနေသော်လည်း ပျက်စီးခြင်း၊ မြင်သာ ထင်သာသော နေရာတွင် မရှိခြင်းတို့ကြောင့် လူသိနည်းပါးပါသည်။ ယခု အခါ ဒီကျောင်းလေးကို ပြန်လည်ပြုပြင်ပြီးသည့်အပြင် မြင်သာအောင်လည်း သစ်ပင် ချုံနွယ်များကို ရှင်းလင်းထားပါသည်။


မြန်မာပြည်တွင် ရုပ်စုံကျောင်းများ ရှိကြပါသည်။ ကျွန်တော်သိသော ရုပ်စုံကျောင်းမှာ စလေ ရုပ်စုံကျောင်း၊ မန္တလေးမြို့ ၆၂ လမ်းရှိ အတုမရှိ ရုပ်စုံကျောင်း၊ မကွေးတိုင်း၊ ပွင့်ဖြူမြို့နယ်၊ လယ်ကိုင်းမြို့ရှိ ရုပ်စုံကျောင်း နှင့် ယခု ရုပ်စုံကျောင်းလေးတို့ ဖြစ်ပါသည်။ ကျန်ရှိနေသေးရင်လည်း ပြောကြားပေးကြပါလို့ တောင်းဆို အပ်ပါသည်။ မြန်မာတို့ရဲ့ ရှေးလက်ယာ ရုပ်စုံကျောင်းလေးကို လာရောက်ကြည့်ရူ့ လေ့လာနိုင်ကြပါစေခင်ဗျာ။ ရုပ်စုံကျောင်းလေးရဲ့ ပုံလေးများကို အောက်တွင် Scroll Box ဖြင့်ဖေါ်ပြပေးထားပါသည်။



ပုံ(၁)

ပုံ(၂)

ပုံ(၃)

ပုံ(၄)

ပုံ(၅)

ပုံ(၆)

ပုံ(၇)

ပုံ(၈)

ပုံ(၉)

ပုံ(၁၀)

ပုံ(၁၁)

ပုံ(၁၂)

ပုံ(၁၃)

ပုံ(၁၄)

ပုံ(၁၅)

ပုံ(၁၆)

ပုံ(၁၇)

ပုံ(၁၈)

ပုံ(၁၉)

ပုံ(၂၀)

ပုံ(၂၁)

ပုံ(၂၂)



Read More...(ဆက်လက်ဖတ်ရန်)

March 15, 2008

ကဗျာ (၁၆)

တိတ်တခိုး (new version)

လေအသွဲ့ မှာ ယိမ်းနွဲ့ လို့ 
တိမ်းလိုက်တဲ့ သူ့ ဟန်ရယ်
မွေးရနံ့ တွေ သင်းပျံလို့ 
လန်းဆန်းလှတယ်။

မခို့ တရို့  သူ့ ဟန်ရယ်
နမ်းလုမိ ကိုယ့်မှာကွယ်
ထွေးထားတယ် မောင့်အိမ်မက်မယ်
အသဲထဲ ငြိစွဲ ။

ရှက်ပြုံးတုံ့  ခေါင်းငုံ့ စွာ
တုန့်ပြန်တဲ့ လှယမင်းရယ်
တိုးလို့ တာ ချစ်မိပါတယ်
ပျော်မ၀ ရင်ထဲ။

လှမ်းလိုက်မယ် တပွေ့ ပိုက်ရယ် လို့ 
ကြိုလိုက်မယ် ချစ်သဲရယ်
မမှီပါ အမြင့်ပန်းကိုလှ
အားငယ်စွာ ငေးမှိုင်ဆွေးတယ်
ရင်ထဲနာဆဲ။

ဒီကဗျာလေးကို ကိုဂျေ မှ တိတ်တခိုးကဗျာလေး ဖတ်ပြီး Comment မှာ Version ပြောင်း၍ အမှတ်တရ ရေးသားထားခဲ့ခြင်း ဖြစ်ပါတယ်။ ရေးသားချိန် (၁၅)မိနစ်ပဲကြာပါသတဲ့ ခင်ဗျာ။ နောက်ဘာမှ Edit မလုပ်တော့ပဲ ဒီအတိုင်းလေးပဲ ထားလိုက်တော့ခြင်း ဖြစ်ပါတယ်။

Read More...(ဆက်လက်ဖတ်ရန်)

ဟာသ(၃)

အထီးအမခွဲခြားနည်း

“မေမေ၊ ကျွန်တော် ယင်ငါးကောင်ကို သတ်လိုက်တယ်၊ နှစ်ကောင်က အထီး၊ သုံးကောင်က အမ” ဟု ငါးနှစ်သား လူငယ်လေးက သူ့မိခင်ကိုပြောလိုက်သည်။
“ဟုတ်လား၊ ဒါနဲ့သားက ယင်ကောင် အထီးနဲ့ အမ ဘယ်လိုခွဲသလဲကွဲ့။”
“အော်…ဒါလား နှစ်ကောင်က ဘီယာပုလင်းပေါ်မှာ၊ သုံးကောင်က ကြည့်မှန်ပေါ်မှာ နားနေကြတာလေ”

Read More...(ဆက်လက်ဖတ်ရန်)

March 13, 2008

ဇနီးမောင်နှံများ

စကားများရန်ဖြစ်ကြသည့် ဇနီးမောင်နှံများ ရိုးမြေကျအောင် ပေါင်းသင်းကြရဆို

ဇနီးမောင်နှံများ အားလုံးစကားများ ရန်ဖြစ်ကြသည်မှာ အဆန်း တကြယ် မဟုတ်ပေ။ အချို့ ဇနီးမောင်နှံများဆိုလျှင် မကြာခဏ စကားများ ရန်ဖြစ်တတ်ကြသည်။ သို့သော်လည်း ဇနီးမောင်နှံ အများအပြားမှာ ပို၍စကားများ ရန်ဖြစ်ကြလေလေ ပို၍ရိုးမြေကျအောင် ပေါင်းသင်ကြလေလေ ဖြစ်ကြရာ ဘဝ တစ်သက်တာ ပေါင်းသင်းကြသော ဇနီးမောင်နှံများကို လေ့လာရန်မှာ အံ့သြစရာဖြစ်ဖွယ်ရှိသည်။

ဒေါသကို ချုပ်တည်းမျိုသိပ်ကြသော ဇနီးမောင်နှံများ၏ သေဆုံးနှုန်းသည် အိမ်ထောင်ဖက် တစ်ဦးထက်မနည်း သေဆုံးနှုန်းထက် နှစ်ဆမျှဖြစ်သည်ကို အမေရိကန်ပြည်ထောင်စု၌ ဇနီးမောင်နှံစုံတွဲ ၁၉၂ တွဲကို ၁၇ နှစ်ကြာလေ့လာ သိရှိခဲ့ရသည်ဟု ဆိုသည်။
အဓိကမှာ အချင်းများကြသည့်အခါ ထိုအချင်းများမှုကို မည်သို့ ဖြေရှင်းမည်ဆိုခြင်းဖြစ်သည်ဟု မီချီကန်တက္ကသိုလ် သုတေသန အဖွဲ့ခေါင်းဆောင် အန်းနက်စဟာဘာဂ်က ပြောဆိုသည်။ ဒေါသဖြစ်သည့်အခါ မျိုသိပ်မထားဘဲ ပေါက်ကွဲ ထွက်လိုက်ခြင်းသည် ကျန်းမားရေး အတွက်ကောင်းကြောင်းကို ထပ်မံလေ့လာ တွေ့ရှိခဲ့သည်ဟု သိရသည်။ ဒေါသကို ဖော်ထုတ်လိုက်သူ တစ်ဦးချင်းသည် အခြေအနေတစ်ရပ်အပေါ် ထိန်းချုပ်နိုင်သည့်အပြင် အခြေအနေကို အကောင်းရှုမြင် သုံးသပ်နိုင်သည်ဟု ဆိုသည်။

Read More...(ဆက်လက်ဖတ်ရန်)

မြန်မာစံတော်ချိန်

Calendar


Recent Comments