August 26, 2007

ဘုရားဖူးငါးကြီးများ

ဝါဆိုလပြည့်ကျော်(၁)ရက် နေ့မှ သီတင်းကျွတ်လပြည့်ကျော်(၁)ရက်နေ့အထိ ၀ါတွင်းသုံးလတာ ကာလတွင် ရဟန်းသံဃာများသည် ရပ်ဝေးသို့ မသွားကြရပါ၊ သွားဖို့ကိစ္စများရှိနေပါက ၀ါပန်ပြီး သွားလာကြရပါသည်။ ဗုဒ္ဓဘာသာဝင် များအနေဖြင့်လည်း ဒီဝါတွင်းကာလတွင် ဥပုသ်သီလဆောက်တည်ပြီး ကုသိုလ်ကောင်းမှုများ ပြုလုပ်ကြပါသည်။ ၀ါတွင်းကာလသည်တနှစ်တာ၏ ထူးခြား ထူးမြတ်သောကာလဖြစ်ပါသည်။ ဤသို့ ထူးခြားချက်များအနက် မကွေးတိုင်း၊ ပွင့်ဖြူမြို့ နယ်၊ ကျောင်းတော်ရာ ရှိ စန္ဒကူးနံ့သာကျောင်းတော်ရာ စေတီတော်မြတ်ကြီးသို့ ဘုရားဖူး၊ ဥပုသ်သီလ စောင့်ယူကြသော ငါးကြီးများသည် အံ့သြဆန်းပြားဖွယ် ဖြစ်ပါသည်။


ဤငါးကြီးများကို ၀ါဆိုလပြည့်နေ့တွင် ရဟန်းသံဃာများနှင့် လူကြီးများက မုန်းချောင်းနှင့် ဧရာဝတီမြစ် ဆုံရာဒေသတွင် သွားရောက်၍ ကြိုဆိုကြရပါသည်။ ကြိုဆိုကြသော မော်တော်ယာဉ်များ ရောက်၍ မောင်းထုလိုက်ပြီဆိုလျှင် ငါးကြီးများက သူတို့ကိုယ်လုံးကိုဖော်ပြ၍ ရောက်ရှိကြောင်း အချက်ပြပါသည်။ ငါးကြီးများရောက်ရှိကြောင်း သိရလျှင် ကြိုဆိုသော ယာဉ်များသည် ကျောင်းတော်ရာဘုရား အရှေ့ ဘက် (၅) ဖာလုံ အကွာရှိ မုန်းချောင်းတွင် ရှိသော ဘုရားဖူးငါးများ အစာကျွေးဆိပ်သို့ ပြန်လည်မောင်းနှင် ကြပါသည်။ ငါးကြီးများကလည်း မော်တော်ယာဉ် များနှင့် အတူ လိုက်ပါလာကြပါသည်။ ထို့ကြောင့် ၀ါတွင်းကာလတွင် ကျောင်းတော်ရာ စေတီတော်မြတ်ကြီးကို ဘုရားဖူးလာကြရင်းနှင့် ငါးကြီးများအား အစာကျွေးသော ပရိတ်သတ်မှာ အလွန်များပြားစည်ကားလှပါသည်။ ဘုရားပရိတ်သတ်တို့သည် ကုန်းကြောင်းအပြင် မုန်းချောင်းအတွင်း ရေကြောင်းမှ လည်း လာရောက်ကြပါသည်။

ဘုရားငါးကြီးများသည် ကောင်အရေအတွက်အားဖြင့် မည်ရွေမည်မျှဟု ရေတွက် မရပါ များပြားလှပါသည်။ ယင်းငါးကြီးများသည် ၀ါထပ်ရက်များကိုသိရှိကြပါသည်။ ၀ါတွင်းကာလ၌သာ ဘုရားဖူးလာကြပါသည်။ ၀ါမထပ်လျှင် ပထမ ၀ါဆိုလပြည့်နေ့ရောက်၍ ၀ါထပ်လျှင် ဒုတိယ၀ါဆိုလပြည့်နေ့မှ ရောက်၍ သီတင်းကျွတ်လပြည့်ကျော်(၁) ရက်နေ့တွင် ပြန်ကြပါသည်။


၎င်းငါးများသည် အကိုင်လည်းခံပါသည်။ ပါးစပ်ထဲလက်သွင်း၍ အစာခွံလျှင် လက်နုတ်မှ အစာဝါးပါသည်။ ကလေး၊ လူကြီးများ ငါးစာကျွေရင်း ရေများနှင့် ခြေချော်၍ ငါးအုပ်ထဲကျသွားသော်လည်း မည်သို့ မျှအန္တရယ်မပြုပါ။ ဆူးတောင်များရုပ်ထား၍ သူတို့ကိုယ်လုံးများဖြင့် ခံထားတတ်ကြပါသည်။ အချို့ ပုဂ္ဂိုလ်များသည် ရေခါးလောက် နက်သည့် တိုင်အောင်ဆင်း၍ ငါးအုပ်ထဲ တွင် အစာကျွေးကြပါသည်။ အချို့ ငါးပေါသော အောက်ပြေအောက်ရွာဒေသနေ ပုဂ္ဂိုလ်များ နှင့် နိုင်ငံခြားသားတို့သည် ရေရှင်၌ ၀ါ- စီးဆင်းနေသော မြစ်ချောင်းတွင်း၌ နေသော ငါးများအားခေါ်၍ အစာကျွေးလို့ရသည်။ အချိန်မှန်မှန် ၀ါတွင်းကိုသိ၍ လာသည်ဆိုခြင်းကို မယုံ၍ ကိုယ်တိုင်လာရောက်ပြီးလေ့လာ ကြရာတွင် တွေ့မြင်သွားမှ ယုံကြည်သွားကြလေသည်။

ရှေးမြန်မာဘုရင်များလက်ထက်အခါက ဘုရားဆရာတော်သည် ဘုရားကြီးများအနက် ငါးကြီးတစ်ကောင်အား ဦးခေါင်းတွင် ရွှေချလွှတ်လိုက်ရာ နှစ်ပေါင်းအတန်ကြာ ဆက်၍ ပါလာသည်ကို တွေ့မြင်ကြရပါသည်။


ယင်းငါးများသည် ရှေးအခါက ၄င်းတို့ ၀င်ချိန် ထွက်ချိန်တွင် မုန်းချောင်း အတွင်း ငါးဖမ်းပိုက်များချထားလျှင် ဘုရားဆရာတော်ထံ အိပ်မက်ပေး၏။ ထိုအခါ ဆရာတော်သည် လှေနှင့် စုန်ဆင်း၍ ပိုက်များကို ရှင်းလင်းဖယ်ရှားပေးရပါသည်။

ယင်းငါးကြီးများသည် အမျိုးအစားအားဖြင့် ငါးထွေများဟု ခေါ်ဝေါ်ကြပါသည်။ သို့သော် မြစ်ထဲမှ ရိုးရိုးငါးထွေများနှင့် မတူပါ၊ ယခုငါးများမှာ ဦးခေါင်းရှည်၏၊ ညှီစော်မနံ၊ အခြားမျိုးကွဲ ငါးများ လုံးမပါဝင်ပေ၊ အရောင်အဆင်း ဆွတ်ဆွတ်ဖြူ၏။ ( ကြွေရောင်ကဲ့သို့ ဆွတ်ဆွတ်ဖြူသော ငါးတစ်ကောင်ပင် ပါဝင်၏။) ယင်းဘုရားငါးများသည် အချိန်အခါကို သိ၍လာပြီး ဘုရားကမ်းဘက်မှာသာ အစာစားကြပါသည်။ ဘုရားငါးများကို မဖမ်း မသတ်ဝံ့ကြပါ ( သတ်မိလျှင် ဒုက္ခရောက်ကြရ၏) တံငါသည်များပင် ဘုရားငါးမိလျှင် ပြန်လွှတ်ကြပါသည်။ အလွှတ်လျှင် မွဲတေ ဒုက္ခရောက်၏ဟု အယူရှိကြပါသည်။ တကယ် ဆင်းရဲ မွဲတေ၍ အသေဆိုးနှင့် သေကြသော သူများလည်းရှိခဲ့ကြပါသည်။

ယင်းငါးကြီးများသည် မည်သည့်ဒေသကလာလို့ မည်သည့်ဒေသသို့ ပြန်သည် မည်သည့်ဒေသတွင်နေထိုင်သည်ကို မည်သူတစ်ဦးကမှ မသိရှိပေ။ ၀ါတွင်းကာလတွင် ကျောင်းတော်ရာ ဘုရား၌သာ ရှိကြပြီး ပြန်သွားသောအခါ မြန်မာတပြည်လုံး မည်သည့် နေရာမှ မပေါ် မတွေ့ ရတော့ပါ။

အချို့ သုတေသီပုဂ္ဂိုလ်များတို့သည် ရွှေစာရံဘုရား၊ ရွှေအင်းတော်ဘုရားများ၌ ၄င်းငါးကြီးများ ပေါ်သည်ကြား၍ သွားရောက်လေ့လာကြရာ ထိုငါးများသည် ငါးမြင်း၊ ငါးတန်၊ ရိုးရိုးမြစ်ငါးများသာဖြစ်ကြ၍ ငါးစုံ ရောနှောပေါ်ကြောင်း သိခဲ့ရပြီး ဤကျောင်းတော်ရာငါးများ နှင့် လုံးဝမတူကြောင်းသိခဲ့ကြရပါသည်။


မည်သည့်ကာလ မည်သည့် အချိန်မှ စ ၍ ဤငါးများလာကြသည်ဟု မည်သူတဦးတယောက် ကမျှ မပြောနိုင်သောကြောင့် ဘုရားကြွစဉ် အချိန်နှင့် တပါးတည်း ငါးများပါ ဘုရားဖူးလာကြသည်ဟု ယူဆရန် ရှိနေလေတော့သည်။

ဤကဲ့သို့ ရေရှင် ၀ါ- စီးဆင်းနေသော ရေ၌နေသော ဟိတ်တိရစ္ဆာန် ငါးသတ္တ၀ါများသည်ပင် အချိန်မှန်မှန်လာ ၍ ၀ါတွင်းကာလ ဘုရားဖူးကြခြင်းမှာ မြန်မာပြည်တွင် ဤကျောင်းတော်ရာ စန္ဒကူးနံ့သာစေတီတော်ကြီး တဆူသာ ရှိနေသောကြောင့် အလွန်ထူးခြားလွန်ကဲ ၍ တန်းခိုးတော်ကြီးမြတ်သော ဘုရားတစ်ဆူပင်ဖြစ်ပါတော့သည်။

ဘုရားဖူးငါးများ၏ ထူခြားမှုအဖြာဖြာ အံ့ဖွယ်ရာ

၁။ နှစ်စဉ်နှစ်တိုင်း ၀ါထပ်၊ မထပ်ကို သိ၍ ၀ါဆိုလပြည့်မှာသာ လာရောက်ကြ ၍ ၀ါကျွတ်မှ ပြန်ကြခြင်း။

၂။ မုန့်၊ ဖွဲ့နု၊ ပေါက်ပေါက်ဆုပ် စသော အသက်လွတ် အစားအစာများကိုသာ ကျွေးရခြင်း။

၃။ မုန်းချောင်းအတွင်း ဘုရားဘက်ကမ်းမှ သာ အစာကျွေးရခြင်း။

၎။ မြစ်၊ ချောင်းတွင်းနေသော ငါးများဖြစ်သော်လဲ လူများကိုင်တွယ်ပွေ့ဖက် ၍ရခြင်း။

၅။ လူများငါးအုပ်တွင်းကျသွားသော်လည်း လုံးဝ အန္တရာယ်မပြုခြင်း။

၆။ ကျွေသားကဲ့သို့ လုံးဝဖြူဆွတ်နေသော ငါးများပင် ပါဝင်ကြလျက် အညှီနံ့ မရှိခြင်း၊ အခြားမျိုးကွဲငါးများလုံးဝ မပါခြင်း။

၇။ မည်သည့် ခုနှစ်ကာလက မည်သည့်အရပ်ကလာသည်ဟု မည်သူမျှ မပြောနိုင်ခြင်း။

၈။ ထို့ကြောင့် ဘုရားရှင်သည် ဤအရပ် စန္ဒကူုးနံ့သာကျောင်းတော်ကို ၀ါတွင်းကာလ၌ ရဟန္တာငါးရာနှင့် ကြွရောက်၍ (၇) ရက်သီတင်းသုံး၍ သတ္တ၀ါများအားတရားဟောချွေချွတ်သည်ဟု ကျမ်းဂန်မှာ ပါရှိသောကြောင့် ၀ါတွင်းကာလခြင်းတူနေသဖြင့် ဘုရားရှင်လက်ထက်ကတဲက လာနေကြသည်ဟု ယူဆရန်ရှိပေတော့သည်။

၉။ သို့အတွက် ဤကျောင်းတော်ရားဘုရား၏ တန်ခိုးတော်နှင့် ဘုရားငါးများ၏ ထူးဆန်းမှုတို့ ကား အံ့သြဖွယ်ရာများသာဖြစ်ပါတော့သည်။

6 comments:

မြရွက်ဝေ said...

အထွေထွေဗဟုသုတရလို့ ကျေးဇူးတင်ပါတယ်။ ဘုရားဖူးငါးတွေ ကျိုက်ခမီမှာ တွေ့ဖူးပေမဲ့ အခုလောက်ကြီးတာ မမြင်ဖူးဘူး

မင်းသားကြီးလို့ ခေါ်ပါတယ် said...

ကျုပ်က ကျောင်းတော်ရာသားဗျ.. ကျေးဇူးဗျာ
ဒီဓာတ်ပုံတွေ ပြန်မြင်ရတာ
ငါးစာကျွေးဆိပ်က ဘူးသည်ကျေးရွာပါ
ကျောင်းတော်ရာ ကျေးရွာ အုပ်စုပေါ့
ငါးကြီးဖက်နေတဲ့ အမကြီးက မသင်းသင်းလဲ့လို့ ခေါ်တယ်
ခစ်ခစ်... လွမ်းလိုက်တာ
ဟိုယောကျာ်းကြီးနှစ်က ဦးစောမြတို့ တူဝရီးနှစ်ယောက်
ကလေးလေးက မြင့်စည်သူ
ခင်ဗျားက မကွေးသားလားဗျို့
ကျေးဇူးအများကြိး အများကြီး တင်တယ်ဗျာ

* In Search of Truth * said...

ဒီဆောင်းပါးလေးဖတ်ရတာ ရင်ထဲ အရမ်းအေးမြတယ်ဗျာ။ ကျနော်လည်း အညာသားတစ်ယောက်ပါ။ Yahoo သတင်းထဲမှာ အဲဒီဘုရားဖူးငါးတွေ ဒီနှစ် ပေါ်မလာဘူးလို့ ရေးထားတာ ဖတ်လိုက်ရတယ်။ သတင်းမှန် မမှန် အကြောင်းပြန်ပေးပါအုံးဗျာ။

* In Search of Truth * said...

Giant 'pilgrim fish' disappear from river by Myanmar pagoda
by Khin Maung Win, AFP, July 19, 2007

Every July at the start of Buddhist Lent for as long as anyone can remember, giant catfish have made the journey up a tributary of Myanmar's mighty Irrawaddy river to an historic temple.

YANGON, Myanmar -- Devotees at the temple call them "pilgrim fish," and believe the creatures come to show their respect for the Buddha at a time meant to inspire religious contemplation.

Their feeding area around the Kyaung Taw Yar Pagoda in central Myanmar is considered holy ground, and the fish are believed to have been coming since Buddha was alive some 2,500 years ago.

In more recent memory, postcards and photos from 20 years ago show children at the pagoda playing with -- and even sitting on -- the fish, which can grow to 150 centimetres (60 inches) long.

But only two pilgrim fish were seen at the temple last year and as Buddhist Lent approaches on July 29, many people are starting to worry that this year the fish may not show up at all.

"The Mone Creek was full of fish about 20 years ago," said Kyi Soe, one of the pagoda's trustees, as he held up an old photograph of himself with his arms wrapped around one of the massive fish.

This particular species of giant catfish, which is found in parts of South and Central Asia, is called rita rita. It reproduces slowly, and its habitat has come under pressure from increased fishing and the building of a series of new dams on the Irrawaddy and its tributaries, experts say.

At the request of the pagoda's trustees, Myanmar fisheries officials last year conducted a study of the Mone Creek but found little evidence of pollution that could be harming the catfish.

Dams are the more likely culprit, according to one of the experts who conducted the study.

Speaking on condition of anonymity, as most officials in this military-ruled nation do, she said that not only do the dams block the path of the fish, but they cause changes in the water flow that in turn alters sandbanks on the riverbed.

As a result, she said, some of the sandbanks may have grown so large that the giant fish are no longer able to get around them.

"That could be one possible factor that has caused the rita rita to disappear in that area," she said.

Official data show that since 1988 Myanmar has built 29 dams in Magway division, the central region where the pagoda is located.

The dams have helped farmers with irrigation and water control, but have also caused changes to the pattern of soil erosion and created more sand banks farther downstream than where they used to be found, the expert added.

Improved fishing techniques may also be taking a toll on the giant catfish.

"The modern fishing industry is commercialised for overseas export and furnished with advanced fishing equipment," said Myo Myint Tun, a depot owner who has fishing rights to a two-and-a-half-mile (four-kilometre) stretch of the Irrawaddy.

"Now we use three-layered nets that can catch fish of any size, big or small. People also use electronic devices and poison for mass fishing," he said.

The trustees tasked with caring for the pagoda say they just want the government to find a way to preserve the pilgrim fish.

"We don't want to see the pilgrim fish become extinct. Conservation of the fish is urgently needed," said Kyi Soe.

ဂျစ်တူး - gyit_tu said...

ဒီလို ထူး၂ဆန်း၂တွေ တင်ပေးတာ ကျေးဇူးပါ ။

Khunmyahlaing said...

လာဖတ်သွားပါတယ် လင်းလင်းရေ.. အဖမ်းမခံရလောက်အောင် သိတတ်တဲ့ ငါးကြီးတွေ အကြောင်းကိုလည်း ဘလော့ဖတ်သူတွေ သိရအောင် ထပ်ဖြည့်ပေး လိုက်နိုင်ရင် သိပ်ကောင်းမှာပါ

မြန်မာစံတော်ချိန်

Calendar


Recent Comments